વસ્ત્રાલ ખાતે જગદીશભાઇ પટેલના સન્માનમાં ભવ્ય સ્વાગત સમારોહનું આયોજન

અમદાવાદના વસ્ત્રાલ સ્થિત શ્રી રામજી મંદિર ખાતે શ્રી સીતારામ સેવા ટ્રસ્ટ દ્વારા એક વિશેષ કાર્યક્રમનું આયોજન કરવામાં આવ્યું હતું. આ કાર્યક્રમમાં જગદીશભાઇ પટેલની ભારતીય જનતા પાર્ટીના રાષ્ટ્રીય મંત્રી તેમજ ઉત્તરપ્રદેશના સહ-પ્રભારી તરીકે નિમણૂક થવા બદલ તેમનું ભવ્ય સ્વાગત કરવામાં આવ્યું હતું.

આ પ્રસંગે ગુજરાત રાજ્યના પૂર્વ ગૃહરાજ્ય મંત્રી પ્રદિપસિંહ જાડેજા વિશેષ ઉપસ્થિત રહ્યા હતા. તેમણે જગદીશભાઇ પટેલને આ નવી જવાબદારી બદલ અભિનંદન પાઠવીને તેમના ઉજ્જવળ ભવિષ્ય માટે શુભકામનાઓ વ્યક્ત કરી હતી.

આ સ્વાગત સમારોહમાં વસ્ત્રાલ વોર્ડના ભારતીય જનતા પાર્ટીના મહામંત્રીઓ, સંગઠનના પદાધિકારીઓ અને કાઉન્સિલરો સહિત મોટી સંખ્યામાં કાર્યકરો અને સ્થાનિક લોકો ઉપસ્થિત રહ્યા હતા.