વીરપુર: જલારામ ગરબા ક્લાસીસના બાળકોનો દેશભક્તિ પ્રત્યેનો અનોખો અંદાજ, ગરબા ક્લાસમાં ગીતો પર રમી સૌના મન મોહ્યા

વીરપુર:
વીરપુર પંથકમાં દેશભક્તિ અને સંસ્કૃતિનો અદ્ભુત સંગમ જોવા મળ્યો છે. અહીંના જલારામ ગરબા ક્લાસીસ સાથે જોડાયેલા નાના-નાના બાળકોએ દેશભક્તિ પ્રત્યેનો પોતાનો અનોખો પ્રેમ પ્રગટ કર્યો છે.
​ક્લાસીસના બાળકોએ એકત્ર થઈને દેશભક્તિના ગીતોની ધૂન પર મન મૂકીને ગરબા રમ્યા હતા. નાની વયના બાળકોમાં દેશપ્રેમ અને ઉત્સાહનો આ અનોખો અંદાજ જોઈને સૌ કોઈ મંત્રમુગ્ધ થઈ ગયા હતા. બાળકોની આ કળા અને દેશપ્રેમની ભાવનાને રજૂ કરતો એક સુંદર વીડિયો પણ બનાવવામાં આવ્યો છે, જેને લોકો દ્વારા ખૂબ જ પસંદ કરવામાં આવી રહ્યો છે.