વડોદરા ક્રાઈમ બ્રાન્ચ દ્વારા મોસ્ટ વોન્ટેડ તન્નુ મલેક ઝડપાયો

વડોદરા ક્રાઈમ બ્રાન્ચે 'બિચ્છુ ગેંગ'ના મોસ્ટ વોન્ટેડ આરોપી તન્નુ મલેકને સફળતાપૂર્વક ઝડપી પાડ્યો છે. લાંબા સમયથી ફરાર ચાલી રહેલા આ આરોપીને ગુજસીટોક અને ₹4.92 કરોડની ઠગાઈના ગુનામાં ધરપકડ કરવામાં આવી છે.

પ્રાથમિક તપાસમાં સામે આવ્યું છે કે આરોપી તન્નુ મલેક સામે મારામારી, ખંડણી અને જમીન કબજા સહિત કુલ 20થી વધુ ગંભીર ગુનાઓ નોંધાયેલા છે. આ ગુનાઓમાં તેની લાંબા સમયથી શોધખોળ ચાલી રહી હતી.

ક્રાઈમ બ્રાન્ચે આ આરોપીને પકડી પાડવા માટે ખાસ ટીમ બનાવી હતી અને બાતમીદારો પાસેથી મળેલી માહિતીના આધારે આ કાર્યવાહી કરવામાં આવી છે. તેની ધરપકડથી શહેરના ગુનાખોરીના નેટવર્ક પર મોટો ફટકો પડ્યો છે.