રાજ્યકક્ષાના સ્વાતંત્ર્ય પર્વને વધાવવા અમરેલી સજ્જ : રંગબેરંગી રોશનીથી ઝળહળ્યું શહેર

રાજ્યકક્ષાના સ્વાતંત્ર્ય પર્વને વધાવવા અમરેલી સજ્જ : રંગબેરંગી રોશનીથી ઝળહળ્યું શહેર

અમરેલી, ૧૩ ઓગસ્ટ
૮૦મા સ્વાતંત્ર્ય પર્વની રાજ્યકક્ષાની ઉજવણી માટે સમગ્ર અમરેલી શહેર દેશભક્તિના રંગે રંગાઈ ગયું છે. આ ઐતિહાસિક ક્ષણને યાદગાર બનાવવા માટે જિલ્લા વહીવટી તંત્ર દ્વારા વ્યાપક સ્તરે આયોજન અને સજાવટ કરવામાં આવી છે.

શહેરના મુખ્ય રાજમાર્ગો, સરકારી ઇમારતો અને મહત્વના સ્થળો રંગબેરંગી રોશનીથી ઝળહળી ઊઠ્યા છે. રાત્રિના સમયે આ આકર્ષક સુશોભન થકી સમગ્ર અમરેલી વધુ રળિયામણું બન્યું છે.

આ રાષ્ટ્રીય મહાપર્વને બિરદાવવા અને રાજ્યકક્ષાની ઉજવણીમાં ભાગીદાર બનવા માટે અમરેલીવાસીઓમાં ઉત્સાહ અને રાષ્ટ્રપ્રેમનો અનોખો માહોલ જોવા મળી રહ્યો છે.