ડાકોરમાં તિરંગા યાત્રા દ્વારા રાષ્ટ્રપ્રેમનો સંદેશ

ડાકોર ખાતે તિરંગા યાત્રાનો ભવ્ય કાર્યક્રમ યોજાયો, જેમાં ભારતીય જનતા પાર્ટી યુવા મોર્ચાના ઉપપ્રમુખ શ્રી કુલદીપ બારોટ, ખેડા જીલ્લા યુવા મોર્ચાના પ્રમુખ વિવેકભાઈ પંડ્યા, તાલુકા પંચાયત પ્રમુખ અને અન્ય સભ્યશ્રીઓ, સંગઠનના હોદ્દેદારો, યુવાનો તથા સ્થાનિક પ્રશાસનના અધિકારીઓ અને કર્મચારીઓ મોટી સંખ્યામાં ઉપસ્થિત રહ્યા.

આ યાત્રામાં રાષ્ટ્રપ્રેમનો સંદેશ ફેલાવવાનો ઉદ્દેશ હતો. ઉપસ્થિત લોકો દ્વારા તિરંગા સાથે દેશભક્તિનો રંગ જોવા મળ્યો, જેમાં "તિરંગો એ ગૌરવ છે… ભારત એ અમારી શાન છે!" જેવા નારા લગાવવામાં આવ્યા.

આ કાર્યક્રમમાં યુવાનોની ઉત્સાહભરી હાજરીએ દેશભક્તિની ભાવનાને વધુ પ્રબળ બનાવ્યું. સ્થાનિક સમુદાયના લોકો આ કાર્યક્રમમાં જોડાઈને રાષ્ટ્રપ્રેમના ઉલ્લાસમાં ભાગીદાર બન્યા.