કલાદરા ગામમાં અંડરપાસની માંગ સાથે ગ્રામજનોનું રસ્તા રોકો આંદોલન

ભરૂચ જિલ્લાના દહેજ તાલુકાના કલાદરા ગામ ખાતે ગ્રામજનો દ્વારા અંડરપાસની માંગને લઈને રસ્તા રોકો આંદોલન કરવામાં આવ્યું. અગાઉ પણ આ મુદ્દે જિલ્લા કલેક્ટરશ્રીને આવેદનપત્ર સુપરત કરવામાં આવ્યું હતું, પરંતુ કોઈ યોગ્ય નિરાકરણ ન આવતા આખરે ગ્રામજનોએ આક્રોશ વ્યક્ત કર્યો.

ગ્રામજનોની મુખ્ય માંગ છે કે ગામમાં અંડરપાસની સમસ્યાનું તાત્કાલિક ધોરણે નિરાકરણ લાવવામાં આવે. આ મુદ્દે અનેક વખત રજૂઆતો કરવા છતાં તંત્ર દ્વારા કોઈ સંતોષકારક કાર્યવાહી કરવામાં આવી નથી.

આંદોલનકારીઓએ ચીમકી ઉચ્ચારી છે કે જો આગામી દિવસોમાં અંડરપાસના નિર્માણની દિશામાં યોગ્ય કાર્યવાહી કરવામાં નહીં આવે તો આંદોલન વધુ ઉગ્ર સ્વરૂપ ધારણ કરશે અને તેને ચાલુ રાખવામાં આવશે.