મુખ્યમંત્રી ભૂપેન્દ્રભાઈ પટેલે રાષ્ટ્રીય હાથસાળ દિવસ નિમિત્તે ગાંધીનગરમાં ‘ગરવી ગુર્જરી’ની મુલાકાત લીધી

ગાંધીનગર: ‘રાષ્ટ્રીય હાથસાળ દિવસ’ નિમિત્તે ગુજરાતના મુખ્યમંત્રી શ્રી ભૂપેન્દ્રભાઈ પટેલે આજે ગાંધીનગરમાં ‘ગરવી ગુર્જરી’ ખાતે હેન્ડલૂમ ઉત્પાદનોની ખરીદી કરીને નાગરિકોને આ દિશામાં પ્રેરણા આપી હતી.

આ પ્રસંગે મુખ્યમંત્રીશ્રીએ ‘ગરવી ગુર્જરી’ના કર્મયોગીઓ સાથે સંવાદ કર્યો હતો અને ત્યાં વેચાણ માટે મૂકવામાં આવેલી વિવિધ પ્રકારની હાથસાળ (હેન્ડલૂમ) પ્રોડક્ટ્સ વિશે વિસ્તૃત જાણકારી મેળવી હતી.

માનનીય વડાપ્રધાન શ્રી નરેન્દ્રભાઈ મોદીના ‘વોકલ ફોર લોકલ, લોકલ ટુ ગ્લોબલ’ના ધ્યેયમંત્રને સાકાર કરવા ગુજરાત પ્રતિબદ્ધ છે. આ ધ્યેયમંત્ર ભારતની સમૃદ્ધ સાંસ્કૃતિક વિરાસતના પ્રતીક અને કલાત્મકતા સાથે ગ્રામીણ અર્થતંત્રનો આધાર બની રહેલા હાથવણાટ-હાથસાળ ઉત્પાદનોને પ્રોત્સાહન આપે છે.