અંકલેશ્વર NH-48ના અંસાર માર્કેટ અને નોબલ માર્કેટમાં ભારેખમ વાહનોની ગેરકાયદેસર પાર્કિંગ

અંકલેશ્વર શહેરમાં NH-48ના અંસાર માર્કેટ અને નોબલ માર્કેટ વિસ્તારમાં સર્વિસ રોડ પર આઇસર, ટ્રક સહિતના ભારેખમ વાહનો આડેધડ પાર્ક કરાતા હોવાના આક્ષેપો કરવામાં આવ્યા છે.

આ ગેરકાયદેસર પાર્કિંગને કારણે રસ્તાની પહોળાઈ નોંધપાત્ર રીતે ઘટી ગઈ છે, જેના પરિણામે નાની વાહનોને માર્ગમાં આગળ વધવામાં મુશ્કેલી અને ટ્રાફિકજામનું જોખમ વધ્યું છે.

નાના વાહનો સામે દંડાત્મક કાર્યવાહી થતી હોય તો જાહેર રસ્તા પર પાર્ક થતા ભારેખમ વાહનો સામે પણ સમાન કાર્યવાહી ન થવાને લઈને સ્થાનિક નાગરિકો અને વેપારીઓમાં અસંતોષ વ્યાપી રહ્યો છે.

વાહનમાલિકો અને સંબંધિત અધિકારીઓને વિનંતી કરવામાં આવી છે કે તંત્રની નજર આ બાબતમાં તાત્કાલિક મૂકી, નિયમિત નિરીક્ષણ અને દંડ દ્વારા ગેરકાયદેસર પાર્કિંગને રોકવામાં આવે.