અમદાવાદ: વટવામાં ગાંજા અને MD ડ્રગ્સ વેચતો માફિયા ઝડપાયો, ખરીદવા લાગતી લાઈનો

અમદાવાદના વટવા વિસ્તારમાંથી પોલીસે ગાંજા અને મેફેડ્રોન (MD) ડ્રગ્સનું વેચાણ કરતા એક માફિયાને ઝડપી પાડ્યો છે. પોલીસ તપાસ દરમિયાન ચોંકાવનારો ખુલાસો થયો છે કે આરોપી ₹100માં ગાંજાની પડીકી વેચતો હતો અને તેને ખરીદવા માટે લોકોની લાઈનો લાગતી હતી.

પોલીસે આરોપી પાસેથી 215 ગ્રામ ગાંજો, જેની અંદાજિત કિંમત ₹66 હજાર થાય છે, તેમજ 18 ગ્રામ મેફેડ્રોન (MD) ડ્રગ્સ પણ કબજે કર્યું છે. આ ડ્રગ્સના વેચાણના બદલામાં આરોપીને પ્રતિ વેચાણ ₹500ની મજૂરી મળતી હોવાનું પણ સામે આવ્યું છે.

આ સમગ્ર કારસ્તાનમાં કુલ 3 આરોપીઓ સામે ગુનો નોંધી કાયદેસરની કાર્યવાહી હાથ ધરવામાં આવી છે. પોલીસે આ રેકેટમાં સામેલ અન્ય આરોપીઓને પકડવા માટે વધુ તપાસ હાથ ધરી છે, જેથી યુવાનોને ડ્રગ્સના રવાડે ચઢાવવાનું આ કારસ્તાન સંપૂર્ણપણે ડામી શકાય.