🔥 TRENDING सरिस्का के जंगलों में वन्यजीव सुरक्षा... રાજુલાના છતડીયા ગામમાં 70 વર્ષીય વલકુભ... Assam CM extends greetings on Tai Kham... Glass of Stationary Train Shattered at... Armed assailants fire on youths prepar... महाराष्ट्र राज्यव्यापी विशेष सत्यशोधक...
21 Nov 2026•
ગુજરાતી मराठी ਪੰਜਾਬੀ বাংলা
Local

महापौर ज्योती गाडे यांनी बिबट्याच्या जेरबंदीसाठी तातडीची बैठक घेतली

✍️ Reporter: Ramesh Sukhdev Khandagale 🗓 21 Nov 2026, 04:11 PM 👁 17
Share: 💬 WhatsApp 📘 Facebook 𝕏 Post

महापौर ज्योती गाडे यांनी बिबट्याला लवकरात लवकर जेरबंद करण्याचे निर्देश दिले.

अहिल्यानगर, दि. 21 नोव्हेंबर : शहराच्या मध्यवर्ती भागात आणि लष्करी (CQAV) परिसरात बिबट्या आढळल्याने नागरिकांमध्ये भीतीचे वातावरण निर्माण झाले आहे. संभाव्य धोका लक्षात घेता महापौर ज्योती गाडे यांनी वनविभाग आणि सैन्य दलाच्या अधिकाऱ्यांसोबत तातडीची बैठक घेऊन परिस्थितीचा आढावा घेतला व बिबट्याला लवकरात लवकर जेरबंद करण्याच्या सूचना दिल्या.
गेल्या काही दिवसांपासून शहरात बिबट्याच्या हालचाली दिसून येत आहेत. विशेषतः रात्रीच्या वेळी बिबट्या वस्तीत शिरत असल्याच्या तक्रारी नागरिकांकडून करण्यात येत आहेत. त्यामुळे पालकांमध्ये मुलांच्या सुरक्षिततेबाबत चिंता वाढली आहे.

महापालिका मुख्यालयात झालेल्या या बैठकीला वनविभागाचे वरिष्ठ अधिकारी, सैन्य दलाचे (CQAV) अधिकारी, पोलीस प्रशासन आणि महापालिकेचे अधिकारी उपस्थित होते.

बैठकीत महापौर गाडे यांनी सर्व विभागांकडून आतापर्यंत केलेल्या कार्यवाहीचा आढावा घेतला.
बिबट्याच्या हालचाली ड्रोन कॅमेऱ्यात कैद झाल्या असून, त्याच्या वावराचा अंदाज घेऊन त्याला पकडण्यासाठी तीन ठिकाणी पिंजरे लावण्यात आले आहेत. मात्र, परिसरात दाट झाडी असल्याने बिबट्या अद्याप पिंजऱ्यात अडकलेला नाही. वनविभागाचे कर्मचारी ट्रॅप कॅमेरे आणि ड्रोनच्या मदतीने त्याच्यावर लक्ष ठेवून आहेत.

महापौर ज्योती गाडे यांनी शहरातील तातडीच्या समस्येच्या निराकरणासाठी विशेष बैठक बोलावली. बैठकीत बिबट्याच्या जेरबंदीची गरज अधोरेखित करण्यात आली.
📲Get App