અમદાવાદ મધ્યસ્થ જેલમાંથી પેરોલ જમ્પ થયેલો કેદી LCB/પેરોલ ફર્લો સ્કોડ દ્વારા ઝડપાયો

પોલીસ મહાનિરીક્ષક શ્રી રાઘવેન્દ્ર વત્સ અને અમદાવાદ ગ્રામ્ય SP શ્રી ઓમ પ્રકાશ જાટ સાહેબના નિર્દેશ અનુસાર, જિલ્લામાં નાસતા ફરતા અને પેરોલ જમ્પ થયેલા આરોપીઓને પકડવા માટે LCB દ્વારા ખાસ ઝુંબેશ હાથ ધરવામાં આવી હતી.

આ ઝુંબેશના ભાગરૂપે, LCB ના PI શ્રી આર.એન. કરમટીયાના માર્ગદર્શન હેઠળ PSI શ્રી પી.જી. બારૈયા અને તેમની ટીમે કાર્યવાહી કરી હતી. HC અનુપસિંહ સોલંકી અને HC ઈસ્માઈલબેગ મિરઝાને મળેલી ચોક્કસ બાતમીના આધારે આ કાર્યવાહી કરવામાં આવી હતી.

પકડાયેલ આરોપીની ઓળખ ભૂષણ હરીશભાઈ પટેલ તરીકે થઈ છે, જે 12, તીર્થભૂમિ પાર્ક સોસાયટી, શારદા પેટ્રોલપંપ પાછળ, ચાંદખેડા, અમદાવાદનો રહેવાસી છે. આ કેદી અમદાવાદ મધ્યસ્થ જેલમાંથી પેરોલ પર છૂટ્યા બાદ ફરાર થઈ ગયો હતો.

અમદાવાદ ગ્રામ્ય LCB/પેરોલ ફર્લો સ્કોડે સફળતાપૂર્વક આ પેરોલ જમ્પ થયેલા કેદીને ઝડપી પાડ્યો છે અને કાયદેસરની કાર્યવાહી હાથ ધરી છે.