અમદાવાદ ગ્રામ્ય LCB દ્વારા પેરોલ જમ્પ થયેલો પાકા કામનો કેદી ઝડપાયો..

પોલીસ મહાનિરીક્ષક રાઘવેન્દ્ર વત્સ અને અમદાવાદ ગ્રામ્ય SP ઓમ પ્રકાશ જાટની સૂચના અનુસાર, જિલ્લામાં નાસતા ફરતા અને પેરોલ જમ્પ થયેલા આરોપીઓને પકડવા માટે LCB દ્વારા ખાસ ઝુંબેશ હાથ ધરવામાં આવી હતી. આ ઝુંબેશના ભાગરૂપે, LCB ના PI આર.એન. કરમટીયાના માર્ગદર્શન હેઠળ PSI પી.જી.બારૈયા અને તેમની ટીમે કાર્યવાહી કરી હતી..

HC અનુપસિંહ સોલંકી અને HC ઈસ્માઈલબેગ મિરઝાને મળેલી ચોક્કસ હ્યુમન સોર્સની બાતમીના આધારે, પોલીસે ચાંદખેડા વિસ્તારમાંથી ભૂષણ હરીશભાઈ પટેલ નામના આરોપીને દબોચી લીધો હતો. ભૂષણ પટેલ, જે પાકા કામનો કેદી નં. બ/38447 તરીકે નોંધાયેલ છે, તે અમદાવાદ મધ્યસ્થ જેલમાંથી પેરોલ પર છૂટ્યા બાદ ફરાર થઈ ગયો હતો.આરોપી ભૂષણ હરીશભાઈ પટેલ, જે 12, તીર્થભૂમિ પાર્ક સોસાયટી, શારદા પેટ્રોલપંપ પાછળ, ચાંદખેડા, અમદાવાદનો રહેવાસી છે, તેને અમદાવાદ ગ્રામ્ય LCB/પેરોલ ફર્લો સ્કોડ દ્વારા સફળતાપૂર્વક ઝડપી પાડવામાં આવ્યો છે. આ કાર્યવાહીમાં PI કરમટીયા, PSI બારૈયા, ASI જયદીપસિંહ વાઘેલા, ASI રાજુજી ઠાકોર, ASI કપિલદેવસિંહ વાઘેલા, HC મિરઝા, HC હિમાંશુ પરમાર, HC અનુપસિંહ, HC છત્રસિંહ સોલંકી, HC કુલદિપસિંહ ઝાલા, PC ચમનભાઈ જાદવ અને ડ્રા.હે.કો. વિજયભાઈ સોલંકી સહિતની ટીમે મહત્વની ભૂમિકા ભજવી હતી.