અમદાવાદમાં શ્રાવણ માસ નિમિત્તે AMTS ની ખાસ પહેલ: શિવભક્તો માટે 100થી વધુ બસો દોડશે

શ્રાવણ માસના પવિત્ર પર્વને ધ્યાનમાં રાખીને અમદાવાદ મ્યુનિસિપલ ટ્રાન્સપોર્ટ સર્વિસ (AMTS) દ્વારા શિવભક્તો માટે વિશેષ ધાર્મિક પ્રવાસનું આયોજન કરવામાં આવ્યું છે. આ અંતર્ગત શહેરના વિવિધ વિસ્તારોમાંથી 100થી વધુ નોન-એસી બસો દોડાવવામાં આવશે, જે શ્રદ્ધાળુઓને શહેરના 30 જેટલા ધાર્મિક સ્થળોના દર્શન કરાવશે.

આ વિશેષ યાત્રા માટે ટિકિટના દરો પણ જાહેર કરવામાં આવ્યા છે. જેમાં એક વ્યક્તિ દીઠ ₹3,000 અને એક આખી બસ બુક કરાવવા માટે ₹5,000નો ચાર્જ નક્કી કરવામાં આવ્યો છે. આ ધાર્મિક યાત્રા સવારે 8:15 વાગ્યાથી શરૂ થઈને સાંજે 4:45 વાગ્યા સુધી ચાલશે.

યાત્રાની સુવિધા માટે લાલ દરવાજા, સારંગપુર, વાડજ અને મણિનગર ટર્મિનસ ખાતેથી બસો ઉપલબ્ધ રહેશે. શ્રાવણ મહિનામાં શિવભક્તોને ધાર્મિક સ્થળોએ પહોંચવામાં સરળતા રહે તે હેતુથી AMTS દ્વારા આ વ્યવસ્થા કરવામાં આવી છે.