ધાંગધ્રા તાલુકાના રામદેવપુર ગામે જાહેરમાં જુગાર રમતા 9 ઝડપાયા, ₹11,240નો મુદ્દામાલ જપ્ત

બ્રેકિંગ ન્યુઝ
સુરેન્દ્રનગર જિલ્લાના ધાંગધ્રા તાલુકાના રામદેવપુર ગામમાં પોલીસે બાતમીના આધારે દરોડો પાડી જાહેરમાં જુગાર રમતા નવ વ્યક્તિઓને રંગેહાથ ઝડપી પાડ્યા હતા. આ કાર્યવાહી દરમિયાન પોલીસે તેમની પાસેથી કુલ ₹11,240 ની રોકડ રકમ અને જુગાર રમવા માટે ઉપયોગમાં લેવાતી અન્ય સામગ્રી જપ્ત કરી કાયદેસરની કાર્યવાહી હાથ ધરી છે.

પોલીસ સૂત્રો પાસેથી મળતી માહિતી મુજબ, રામદેવપુર ગામમાં ગારીયા ઠાકર વાળી શેરીમાં કેટલાક ઈસમો જાહેરમાં જુગાર રમી રહ્યા હોવાની બાતમી પોલીસને મળી હતી. આ બાતમીના આધારે પોલીસે તાત્કાલિક ઘટના સ્થળે પહોંચી દરોડો પાડ્યો હતો. પોલીસને જોઈ કેટલાક ઈસમો ભાગવાનો પ્રયાસ કર્યો હતો, પરંતુ પોલીસે તેમને ઘેરી લઈ ઝડપી પાડ્યા હતા.

ઝડપાયેલા તમામ ઈસમો વિરુદ્ધ ધાંગધ્રા તાલુકા પોલીસ સ્ટેશન ખાતે જુગારધારા હેઠળ ગુનો નોંધી કાયદેસરની કાર્યવાહી કરવામાં આવી છે.
રિપોર્ટર સિકંદર ભટ્ટી ધાગધ્રા