વડોદરામાં 80મો સ્વતંત્રતા દિવસ ઉજવાયો, નાયબ મુખ્યમંત્રીનું સંબોધન

સંસ્કારી નગરી વડોદરા ખાતે 80માં સ્વતંત્રતા પર્વની ગૌરવભેર ઉજવણી કરવામાં આવી. નાયબ મુખ્યમંત્રી શ્રી હર્ષભાઇ સંઘવીની ઉપસ્થિતિમાં માંજલપુર સ્પોર્ટ્સ કોમ્પ્લેક્ષ પરિસરમાં ધ્વજારોહણ કરવામાં આવ્યું. આ પ્રસંગે, વડોદરા જિલ્લાના કુલ 56 નાગરિકોને વિશિષ્ટ કામગીરી માટે પ્રશસ્તીપત્ર આપી સન્માનિત કરવામાં આવ્યા.

આ રાષ્ટ્રીય પર્વની ઉજવણીમાં શાળાના વિદ્યાર્થીઓ દ્વારા સાંસ્કૃતિક કાર્યક્રમો તેમજ પોલીસના જવાનો દ્વારા શિસ્તબદ્ધ પરેડ રજૂ કરવામાં આવી. આ કાર્યક્રમો દ્વારા દેશભક્તિ અને એકતાનો સંદેશ પ્રસારિત કરવામાં આવ્યો.

નાયબ મુખ્યમંત્રીશ્રીએ જણાવ્યું કે 80મો સ્વાતંત્ર્ય દિન માત્ર ઉજવણી નથી, પરંતુ આ પર્વ વિકસિત ભારત 2047 માટે આગામી 20 વર્ષના આયોજનની એક મહાન પ્રેરણા છે. તેમણે દેશના વિકાસ માટે તમામ નાગરિકોને એકતાના સંદેશ સાથે આગળ વધવા માટે પ્રોત્સાહિત કર્યું.