આલ્ફા કોચિંગ ડમી એડમિશન કેસમાં તપાસ તેજ, 697 વિદ્યાર્થીઓ તપાસના ઘેરામાં

આલ્ફા કોચિંગના ડમી એડમિશન કેસમાં જિલ્લા શિક્ષણાધિકારી (DEO)એ મોટું નિવેદન આપ્યું છે. તપાસ દરમિયાન 31 શાળાઓના કુલ 697 વિદ્યાર્થીઓના નામ સામે આવ્યા હોવાનું જણાવાયું છે. ઉપરાંત રાજકોટ જિલ્લાના 47 વિદ્યાર્થીઓના પ્રવેશની પણ ચકાસણી શરૂ કરવામાં આવી છે. વિદ્યાર્થીઓ નિયમિત રીતે શાળામાં હાજરી આપતા હતા કે નહીં તેની વિગતવાર તપાસ કરવામાં આવશે. જો ડમી એડમિશન થયાનું સાબિત થશે તો સંબંધિત વિદ્યાર્થીઓ, શાળા સંચાલકો અને જવાબદાર વ્યક્તિઓ સામે શિક્ષણ વિભાગના નિયમો મુજબ કડક કાર્યવાહી કરવામાં આવશે. સમગ્ર મામલે શિક્ષણ વિભાગે તપાસ વધુ તેજ બનાવી છે.