બનાસકાંઠા: સિંચાઈ વિભાગના હેડ ક્લાર્ક અને એક વ્યક્તિ રૂ. 50,000 ની લાંચ લેતા ACB ના હાથે ઝડપાયા..

દાંતીવાડા સિંચાઈ વિભાગમાં ફરજ બજાવતા મદદનીશ અધિક્ષક (હેડ ક્લાર્ક) નિમેષભાઇ જશુભાઇ પટેલ અને પ્રજાજન ચમનભાઇ નાનજીભાઇ મિસ્ત્રીને રૂ. 50,000 ની લાંચ લેતા ACB દ્વારા ઝડપી લેવામાં આવ્યા છે.આ કાર્યવાહીથી સમગ્ર વિસ્તારમાં ચકચાર મચી જવા પામી છે.પ્રાપ્ત માહિતી અનુસાર એક ફરિયાદીએ કોન્ટ્રાક્ટરનું લાયસન્સ મેળવવા માટે અરજી કરી હતી. આ લાયસન્સ કાઢી આપવાના બદલામાં સિંચાઈ વિભાગના હેડ ક્લાર્ક અને અન્ય એક વ્યક્તિ દ્વારા લાંચની માંગણી કરવામાં આવી હતી..

ફરિયાદીએ લાંચ આપવાની ઈચ્છા ન હોવાથી આ બાબતે ACB નો સંપર્ક કર્યો હતો. ACB એ ફરિયાદના આધારે તપાસ હાથ ધરી અને લાંચની રકમ લેતી વખતે બંને આરોપીઓને દબોચી લીધા હતા. ACB દ્વારા આગળની કાર્યવાહી હાથ ધરવામાં આવી રહી છે.