સુરતમાં ખાડીપૂરના કારણે બસ સેવા માં ભારે ખલેલ, 50% બસો ડેપોમાં

જુલાઈની શરૂઆતમાં ખાડીપૂરના કારણે સર્જાયેલી જળબંબાકારની પરિસ્થિતિને બે મહિનાથી વધુ સમય વીતી ચૂક્યો હોવા છતાં સુરતનું પરિવહન તંત્ર હજી પણ પૂરતી રીતે કાર્યરત નથી.

સુરત પાલિકા દ્વારા સંચાલિત સિટી અને બીઆરટીએસ બસોમાંથી 50 ટકા કરતાં વધુ બસો હાલ ડેપોમાં પડી છે, જેના કારણે શહેરની મુખ્ય અને નાના-મોટા 12થી વધુ રૂટો પર બસ સેવા ગંભીર રીતે ખોરવાઈ ગઈ છે.

બસોની અછતને કારણે દરરોજ લાખો નાગરિકો, નોકરીયાતો અને ખાસ કરીને શાળા-કોલેજના વિદ્યાર્થીઓને જીવના જોખમે ભરેલી, ઓવરક્રાઉડેડ બસોમાં સવારી કરવાની ફરજ પડી રહી છે.

પરિવહન તંત્રની ધીમી કામગીરીને કારણે શહેરની રોજિંદી ગતિમાં અસ્થિરતા આવી છે, અને અધિકારીઓ દ્વારા તાત્કાલિક ઉપાયોની અપેક્ષા છે.