સમઢીયાળામાં રખડતા શ્વાનનો આતંક: 5 બાળકોને બચકાં, એકની રાજકોટ ખસેડાઈ સારવાર

અમરેલી જિલ્લાના ખાંભા તાલુકાના સમઢીયાળા ગામે છેલ્લા ત્રણ દિવસ દરમિયાન રખડતા શ્વાનનો ત્રાસ વધ્યો છે. મળતી માહિતી મુજબ રખડતા શ્વાને ગામના 5 બાળકોને બચકાં ભર્યા છે.

બચકાંથી ઈજાગ્રસ્ત થતાં ત્રણ બાળકોને તાત્કાલિક સારવાર માટે અમરેલી ખાતે અને એક બાળકને વધુ સારવાર માટે રાજકોટ ખસેડવામાં આવ્યું છે.

આ ઘટનાને પગલે ગામમાં ભયનો માહોલ જોવા મળી રહ્યો છે. વાલીઓમાં ચિંતા વધી છે અને ગ્રામજનોએ તંત્રને જાણ કરી યોગ્ય કાર્યવાહી કરવા માંગ કરી છે.

સ્થાનિક તંત્ર દ્વારા સતર્કતા જારી કરવામાં આવી છે અને નાગરિકોને સાવચેત રહેવા સૂચના આપવામાં આવી છે.