બોટાદના ટાટમ ગામે રિક્ષા અને ઇકો વચ્ચે અકસ્માત: 46 વર્ષીય મહિલાનું મોત

બોટાદ જિલ્લાના ટાટમ ગામ નજીક એક ગમખ્વાર માર્ગ અકસ્માતની ઘટના સામે આવી છે. અહીં એક રિક્ષા અને ઇકો કાર વચ્ચે જોરદાર ટક્કર થઈ હતી. આ અકસ્માતમાં એક 46 વર્ષીય મહિલાનું કમકમાટીભર્યું મોત નીપજ્યું છે.

મળતી માહિતી અનુસાર, ટાટમ ગામે રિક્ષા અને ઇકો કાર વચ્ચે કોઈ કારણોસર જોરદાર ટક્કર થઈ હતી. અકસ્માત એટલો ગંભીર હતો કે રિક્ષામાં સવાર 46 વર્ષીય મહિલાને ગંભીર ઈજાઓ પહોંચતા તેમનું મોત નીપજ્યું હતું.

આ ઘટનાને પગલે આસપાસના સ્થાનિક લોકો તાત્કાલિક મદદ માટે ઘટનાસ્થળે દોડી આવ્યા હતા. અકસ્માત અંગેની જાણ થતાં જ પોલીસ કાફલો પણ ઘટનાસ્થળે પહોંચી ગયો હતો અને આ મામલે આગળની કાયદેસરની કાર્યવાહી હાથ ધરી છે.