નળસરોવર પોલીસની મોટી કાર્યવાહી કોડીનયુક્ત નશાકારક કફ સિરપની 450 બોટલ સાથે ત્રણ શખ્સો ઝડપાયાકુલ રૂ. 6,30,550નો મુદ્દામાલ જપ્ત

અમદાવાદ ગ્રામ્યના વિરમગામ ડીવીઝનના નળસરોવર પોલીસ દ્વારા નશાકારક કફ સિરપના જથ્થા સામે કાર્યવાહી હાથ ધરવામાં આવી હતી. પોલીસ દ્વારા કફ સિરપ ભરેલી કાર સાથે ત્રણ શખ્સોને ઝડપી પાડવામાં આવ્યા હતા.
પોલીસે કોડીનયુક્ત નશાકારક કફ સિરપની કુલ 450 બોટલ, જેની કિંમત રૂ. 18,550 હોવાનું જણાવાયું છે, તેમજ કાર અને મોબાઇલ ફોન સહિત કુલ રૂ. 6,30,550નો મુદ્દામાલ કબજે કર્યો હતો.
આ કાર્યવાહી દરમિયાન અરસનભાઈ રેવાભાઈ કોળી પટેલ, કમલેશભાઈ તીરુભાઈ સોલંકી રહે. સાણંદ તથા સદ્દામભાઈ બાબુભાઈ ખલીફા રહે. દેવદર, સાણંદને ઝડપી પાડવામાં આવ્યા હોવાનું જણાવાયું છે.
આ મામલે વિરમગામ–નળસરોવર પોલીસે NDPS એક્ટ હેઠળ ગુનો નોંધી વધુ તપાસ હાથ ધરી છે.રિપોર્ટર આસીક અલી ગીલાણી વિરમગામ