મોદીના જન્મદિવસ પર અમરેલી જિલ્લામાં 336 યુનિટ રક્તદાન કેમ્પ સફળ

વડાપ્રધાન નરેન્દ્ર મોદીના 25 વર્ષની જનસેવાને ઉજવવા 17 સપ્ટેમ્બરથી અમરેલી જિલ્લામાં 'સેવા સંકલ્પ અભિયાન' શરૂ થયું, જેમાં 'સેવા મારું યોગદાન' અંતર્ગત તમામ તાલુકાઓમાં રક્તદાન કેમ્પ યોજાયો.

આ કેમ્પમાં નાગરિકો અને રક્તદાતાઓએ ભારે ઉત્સાહ દર્શાવ્યો, અને કુલ 336 યુનિટ રક્ત એકત્રિત કરવામાં આવ્યું, જે ભવિષ્યમાં જરૂરિયાત મંદ દર્દીઓ અને ઇમરજન્સી સેવાઓ માટે આશીર્વાદરૂપ સાબિત થશે.

તાલુકાવાર વિતરણ મુજબ, જાફરાબાદમાં 104 યુનિટ, બાબરા ખાતે 69 યુનિટ (પી.એચ.સી મોટા દેવળિયા 37 અને સી.એચ.સી બાબરા 32), અમરેલીમાં 15 યુનિટ, કુંકાવાવમાં 31 યુનિટ, બગસરાના સ્વામિનારાયણ મંદિર ખાતે 22 યુનિટ, એસ.ડી.એચ રાજુલા ખાતે 51 યુનિટ, સાવર કુંડલાની કે.કે. મહેતા હોસ્પિટલ ખાતે 33 યુનિટ, અને ધારીમાં દિતલા ખાતે બપોર પછીના સેશનમાં પણ રક્તદાન સુચારુ રીતે હાથ ધરાયું.

આ અભિયાન દ્વારા એકત્રિત થયેલું લોહી સ્થાનિક આરોગ્ય વિભાગને મજબૂત બનાવશે અને સમુદાયની સેવાની ભાવનાને વધુ પ્રેરણા આપશે.