અંજારના ચાંદ્રાણી ગામની કિશોરી રાધાબેનને દુધઈ પોલીસે 3 દિવસમાં શોધી પરિવાર સાથે પુનઃમિલન

05/09/2026ના રોજ રાત્રિના આશરે 11 વાગ્યે અંજાર તાલુકાના ચાંદ્રાણી ગામની કિશોરી રાધાબેન અરજણભાઈ રબારી પરિવારજનોને જાણ કર્યા વગર ઘરેથી નીકળી ગઈ. ઘર પરત ન ફરતા પરિવારજનોને ફોન પણ બંધ મળ્યો, જેના કારણે તેઓ દુધઈ પોલીસનો સંપર્ક કર્યો.

મામલાની જાણ થતાં દુધઈ પોલીસ સ્ટેશનના પીઆઈ એન.બી. ડોડિયાએ તાત્કાલિક વિવિધ ટીમો ગોઠવી કિશોરીની શોધખોળ શરૂ કરી. પોલીસ સ્ટાફે ગામડાં અને આસપાસની વિસ્તારોમાં વિગતવાર તપાસ, ઘર-ઘર શોધ અને સ્થાનિક લોકોને પૂછપરછ કરી.

દુધઈ પોલીસની ઝડપી અને સમન્વિત કામગીરીને કારણે 08/09/2026ના રોજ રાધાબેનને સફળતાપૂર્વક શોધી કાઢી, તેને પરિવાર સાથે પુનઃમિલન કરાવ્યો. પીઆઈ એન.બી. ડોડિયા અને સ્ટાફની આ સફળ કામગીરીથી પરિવારજનોને મોટી રાહત અને આનંદની લાગણી અનુભવાઈ.