અમદાવાદ પોલીસની મેગા ડ્રાઈવમાં 263 તીક્ષ્ણ હથિયારો જમા, નાગરિકોએ સહકાર આપ્યો

અમદાવાદ પોલીસ દ્વારા ‘સમર્પણથી સુરક્ષા’ અભિયાન અંતર્ગત હથિયારો જમા કરાવવાની મેગા ડ્રાઈવ હાથ ધરવામાં આવી હતી.

સેક્ટર-2ના 22 પોલીસ સ્ટેશનમાં નાગરિકોએ તલવાર, છરી, ધારિયા સહિત કુલ 263 તીક્ષ્ણ હથિયાર પોલીસને સોંપ્યા હતા. કેટલાક હથિયારો મહોલ્લાના કોમન સ્પેસ અને કચરાપેટીમાં મૂકીને પણ સમર્પિત કરવામાં આવ્યા હતા.

પોલીસની નાઈટ ડ્રાઈવ દરમિયાન આરોપીઓ પાસેથી પણ અનેક હથિયારો જપ્ત કરાયા છે. તપાસ દરમિયાન હથિયાર મળી આવશે તો કાયદેસરની કાર્યવાહી કરવાની ચેતવણી આપી છે.

અમદાવાદ પોલીસે નાગરિકોને પોતાની પાસે રહેલા હથિયારો સ્વેચ્છાએ પોલીસને સોંપવાની અપીલ કરી છે અને હથિયાર જમા કરાવવાની પ્રક્રિયા ચાલુ રાખવા જણાવ્યું છે.