જૂનાગઢમાં 250 ખેડૂતો ગોપાલ ઈટાલિયાની સાથે કલેક્ટર કચેરીમાં પ્રશ્નો રજૂ

વિસાવદર-ભેસાણના ધારાસભ્ય ગોપાલ ઈટાલિયા સાથે અંદાજે 250 ખેડૂતો જૂનાગઢ જિલ્લા કલેક્ટર કચેરીમાં ઉપસ્થિત થયા અને પોતાના વિવિધ પ્રશ્નો રજૂ કર્યા.

ખેડૂતોનું મુખ્ય ફરિયાદ હતું કે સૌની યોજના હેઠળ પૂરતું પાણી ન મળતું હોવાથી સિંચાઈમાં અડચણો ઉભી થઈ રહી છે. સાથે સાથે વીજ કનેક્શનમાં વારંવાર ટ્રિપિંગ થવું અને વીજ થાંભલા માટે કોઈ વળતર ન મળવું જેવા મુદ્દાઓ પણ રજૂ કરવામાં આવ્યા.

આ ઉપરાંત, આ વર્ષની અનિયમિત વરસાદી સ્થિતિને કારણે પાણીની કમી વધુ વધી ગઈ છે, જે ખેડૂતોની મુશ્કેલીમાં વધારો કરે છે. PGVCLના અધિકારીઓ અને જિલ્લા કલેક્ટર બંનેએ ખેડૂતોની સમસ્યાઓ સાંભળીને ઉકેલ માટે જરૂરી પગલાં લેવાની ખાતરી આપી.

ખેડૂતોએ જણાવ્યુ કે પ્રશ્નોનું તાત્કાલિક નિરાકરણ ન મળ્યું તો આંદોલનને તીવ્ર બનાવવા માટે ગાદલા-ગોદડા લઈને PGVCL કચેરીમાં ધરણો અને રામધૂન જેવા પ્રદર્શન કરવાની ચીમકી આપી છે.

ખેડૂતોની માંગ છે કે પાણી અને વીજળી સંબંધિત સમસ્યાઓનો વહેલો ઉકેલ લાવવામાં આવે, જેથી ખેતીની કામગીરીમાં કોઈ અવરોધ ન રહે.