अपराध
અમદાવાદ: કાલુપુર સ્ટેશન પરથી ઝારખંડના યુવકો સાથે છરી બતાવી લૂંટ, 2 આરોપી ઝડપાયા
અમદાવાદમાં કાલુપુર રેલવે સ્ટેશન પરથી મુસાફરોને નિશાન બનાવતી રિક્ષા ગેંગ સક્રિય થઈ છે. ઝારખંડના ચાર યુવકોને ગીતામંદિર આરોગ્ય ભવન પાસે લઈ જઈ છરીની અણીએ ₹38,000ની લૂંટ ચલાવવામાં આવી હતી. પોલીસે બે આરોપીઓની અટકાયત કરી વધુ તપાસ હાથ ધરી છે.
અમદાવાદ શહેરમાં કાલુપુર રેલવે સ્ટેશન પરથી મુસાફરોને લૂંટતી એક રિક્ષા ગેંગ સક્રિય થઈ છે. ઝારખંડના ચાર યુવકોને જાસપુર જવા માટે રિક્ષામાં બેસાડી, ગીતામંદિર આરોગ્ય ભવન પાસે લઈ જઈ છરી બતાવી ધમકાવીને તેમની પાસેથી રોકડા ₹28,000 અને ઓનલાઈન ₹10,000 મળી કુલ ₹38,000ની લૂંટ ચલાવવામાં આવી હતી.
પ્રાપ્ત માહિતી અનુસાર, ઝારખંડના ચાર યુવકો કાલુપુર રેલવે સ્ટેશન પર ઉતર્યા બાદ જાસપુર જવા માટે રિક્ષામાં બેઠા હતા. રિક્ષાચાલક તેમને ગીતામંદિર આરોગ્ય ભવનના કમ્પાઉન્ડમાં લઈ ગયો હતો. ત્યાં તેણે તેના એક સાથીદાર સાથે મળીને છરી બતાવી યુવકોને ડરાવી ધમકાવી તેમના પૈસા પડાવી લીધા હતા. ત્યારબાદ, લૂંટારુઓએ યુવકોને બીજી રિક્ષામાં બેસાડી સાબરમતી રેલવે સ્ટેશન ઉતારી દીધા હતા.
આ ઘટના અંગે ગાયકવાડ હવેલી પોલીસ સ્ટેશનમાં ગુનો નોંધી તપાસ શરૂ કરવામાં આવી છે. પોલીસે આ ગેંગના બે આરોપીઓને ઝડપી પાડ્યા છે અને તેમની પાસેથી મુદ્દામાલ કબ્જે કર્યો છે. પોલીસે વધુ તપાસ હાથ ધરી છે કે આ ગેંગમાં અન્ય કેટલા લોકો સામેલ છે અને ભૂતકાળમાં આવી કોઈ ઘટનાઓ બની છે કે કેમ.
પ્રાપ્ત માહિતી અનુસાર, ઝારખંડના ચાર યુવકો કાલુપુર રેલવે સ્ટેશન પર ઉતર્યા બાદ જાસપુર જવા માટે રિક્ષામાં બેઠા હતા. રિક્ષાચાલક તેમને ગીતામંદિર આરોગ્ય ભવનના કમ્પાઉન્ડમાં લઈ ગયો હતો. ત્યાં તેણે તેના એક સાથીદાર સાથે મળીને છરી બતાવી યુવકોને ડરાવી ધમકાવી તેમના પૈસા પડાવી લીધા હતા. ત્યારબાદ, લૂંટારુઓએ યુવકોને બીજી રિક્ષામાં બેસાડી સાબરમતી રેલવે સ્ટેશન ઉતારી દીધા હતા.
આ ઘટના અંગે ગાયકવાડ હવેલી પોલીસ સ્ટેશનમાં ગુનો નોંધી તપાસ શરૂ કરવામાં આવી છે. પોલીસે આ ગેંગના બે આરોપીઓને ઝડપી પાડ્યા છે અને તેમની પાસેથી મુદ્દામાલ કબ્જે કર્યો છે. પોલીસે વધુ તપાસ હાથ ધરી છે કે આ ગેંગમાં અન્ય કેટલા લોકો સામેલ છે અને ભૂતકાળમાં આવી કોઈ ઘટનાઓ બની છે કે કેમ.