Crime
સુરતમાં જર્જરિત એપાર્ટમેન્ટનો સ્લેબ તૂટ્યો, 19 વર્ષીય યુવકનું મોત
સુરતના અશ્વિનીકુમાર વિસ્તારમાં 30 વર્ષ જૂના સરસ્વતી એપાર્ટમેન્ટના ચોથા માળે સ્લેબ ધરાશાયી થતાં એક યુવકનું કરૂણ મોત નીપજ્યું છે. તંત્રની નોટિસો છતાં લોકો જોખમી વસવાટ કરી રહ્યા હોવાનું ફરી એકવાર સામે આવ્યું છે.
સુરત શહેરમાં જર્જરિત ઇમારતો સામે તંત્ર દ્વારા નોટિસો આપવામાં આવી હોવા છતાં લોકો જોખમી વસવાટ કરી રહ્યા હોવાની વધુ એક ગંભીર ઘટના પ્રકાશમાં આવી છે. સુરતના અશ્વિનીકુમાર વિસ્તારમાં આવેલા 30 વર્ષ જૂના સરસ્વતી એપાર્ટમેન્ટના ચોથા માળે અચાનક સ્લેબ ધરાશાયી થતાં અફરાતફરી મચી ગઈ હતી.
આ દુર્ઘટનામાં સ્લેબના કાટમાળ નીચે 19 વર્ષીય યુવક દબાઈ ગયો હતો. ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી અને યુવકને કાટમાળમાંથી બહાર કાઢવા માટે રેસ્ક્યુ ઓપરેશન હાથ ધર્યું હતું. યુવકને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો હતો.
હોસ્પિટલમાં ફરજ પરના તબીબોએ યુવકને મૃત જાહેર કરતાં પરિવારમાં શોકનો માહોલ છવાયો હતો. આ ઘટનાએ ફરી એકવાર સુરતમાં જર્જરિત ઇમારતોમાં રહેતા લોકોની સુરક્ષા સામે પ્રશ્નાર્થ સર્જ્યો છે અને તંત્રની કામગીરી પર પણ સવાલો ઉઠાવ્યા છે.
આ દુર્ઘટનામાં સ્લેબના કાટમાળ નીચે 19 વર્ષીય યુવક દબાઈ ગયો હતો. ઘટનાની જાણ થતાં જ ફાયર બ્રિગેડની ટીમ તાત્કાલિક ઘટનાસ્થળે પહોંચી હતી અને યુવકને કાટમાળમાંથી બહાર કાઢવા માટે રેસ્ક્યુ ઓપરેશન હાથ ધર્યું હતું. યુવકને તાત્કાલિક સારવાર માટે નજીકની હોસ્પિટલમાં ખસેડવામાં આવ્યો હતો.
હોસ્પિટલમાં ફરજ પરના તબીબોએ યુવકને મૃત જાહેર કરતાં પરિવારમાં શોકનો માહોલ છવાયો હતો. આ ઘટનાએ ફરી એકવાર સુરતમાં જર્જરિત ઇમારતોમાં રહેતા લોકોની સુરક્ષા સામે પ્રશ્નાર્થ સર્જ્યો છે અને તંત્રની કામગીરી પર પણ સવાલો ઉઠાવ્યા છે.