સાબરકાંઠાના ઈડરના બડોલી ગામમાં કમળાનો પ્રકોપ: 12થી વધુ બાળકો અસરગ્રસ્ત..

સાબરકાંઠાના-:
ઈડર તાલુકાના બડોલી ગામમાં કમળાનો પ્રકોપ જોવા મળ્યો છે.ગામમાં અચાનક કમળાના કેસ વધતા સ્થાનિકોમાં ચિંતાનો માહોલ જોવા મળી રહ્યો છે.મળતી માહિતી મુજબ બડોલી ગામમાં 12થી વધુ બાળકો કમળાની ઝપેટમાં આવ્યા છે. બાળકોમાં લક્ષણો દેખાતા વાલીઓએ તાત્કાલિક તબીબી સહાય મેળવવાની શરૂઆત કરી હતી..

બાળકોની સંખ્યા વધતા અને રોગના ફેલાવાને ધ્યાનમાં રાખીને સ્થાનિક આરોગ્ય તંત્ર હરકતમાં આવ્યું છે.આરોગ્ય વિભાગ દ્વારા અસરગ્રસ્ત વિસ્તારમાં જરૂરી તકેદારીના પગલાં લેવામાં આવી રહ્યા છે અને બાળકોની સારવાર માટે યોગ્ય વ્યવસ્થા કરવામાં આવી રહી છે.