ભરૂચમાં 12 વર્ષીય બાળકની મૃત્યુ બાદ ફૂડ એન્ડ ડ્રગ્સ વિભાગે 10 રેસ્ટોરન્ટમાં તપાસ, શંકાસ્પદ ખાદ્ય સામગ્રીનો નાશ

પાલેજમાં ચિકન રોલ ખાધા બાદ 12 વર્ષીય બાળકનું અચાનક મૃત્યુ થયુ, જે ઘટનાએ સ્થાનિક જનતા અને અધિકારીઓની ચિંતા વધારી. આ ઘટનાને પગલે ભરૂચ નગરપાલિકા હેઠળ ફૂડ એન્ડ ડ્રગ્સ વિભાગે તાત્કાલિક કાર્યવાહી શરૂ કરી.

વિભાગે પાલેજની અંદાજે દસ રેસ્ટોરન્ટમાં વિગતવાર તપાસ કરી, જેમાં શાકભાજી અને કાચા ચિકન સહિત 40 થી 50 કિલો શંકાસ્પદ ખાદ્ય સામગ્રીને નાશ કરાવ્યું. આ સામગ્રીને ખોરાક સુરક્ષા ધોરણોનું ઉલ્લંઘન માનવામાં આવ્યું.

સાથે સાથે, ઇન્ડિયન બેકરીમાં ગ્રાહકની ફરિયાદ મુજબ પફમાં દુર્ગંધવાળું બટાકાનું ફિલિંગ મળ્યું. તપાસ બાદ વિભાગે બેકરીને ક્લોઝર નોટિસ જારી કરી, અને બાકી રહેલ પફ સ્ટોકને નાશ કરાવ્યું.

વિભાગે વિવિધ ખાદ્ય સામગ્રીના સેમ્પલ લઈને પ્રયોગશાળામાં પરીક્ષણ માટે મોકલ્યા છે, અને ખોરાક સુરક્ષા સંબંધિત તમામ કાર્યવાહી યથાવત રાખવામાં આવશે.