ભરૂચ: જોલવા ગામમાં એન્ટી નાર્કોટિક્સ વિંગનો દરોડો, ₹6.70 લાખની નશીલી ગોળીઓ સાથે એક ઝડપાયો

ભરૂચ જિલ્લાના જોલવા ગામે એન્ટી નાર્કોટિક્સ વિંગ દ્વારા એક મોટા દરોડા પાડવામાં આવ્યો છે. આ દરોડા દરમિયાન, 'તરંગ વિજયાવટી’ નામની નશીલી ગોળીઓનો મોટો જથ્થો ઝડપી પાડવામાં આવ્યો છે. પ્રાપ્ત માહિતી અનુસાર, કુલ 13.4 કિલોગ્રામ ગોળીઓ મળી આવી છે, જેની બજાર કિંમત આશરે ₹6.70 લાખ રૂપિયા આંકવામાં આવી રહી છે.

પોલીસ સૂત્રો પાસેથી મળતી વિગતો મુજબ, આ જથ્થો રાજસ્થાન રાજ્યમાંથી મંગાવવામાં આવતો હતો. પોલીસે ઘટના સ્થળેથી એક આરોપીને ઝડપી પાડ્યો છે અને તેની પાસેથી નશીલી ગોળીઓનો જથ્થો કબજે કર્યો છે. આ મામલે વધુ તપાસ હાથ ધરવામાં આવી રહી છે.

એન્ટી નાર્કોટિક્સ વિંગની આ કાર્યવાહીથી નશીલા પદાર્થોના વેચાણ અને પ્રસારણ સામે કડક પગલાં લેવાઈ રહ્યા છે. પોલીસે આરોપીની પૂછપરછ શરૂ કરી છે અને આ રેકેટમાં અન્ય કોઈ સામેલ છે કે કેમ તે દિશામાં પણ તપાસ કરી રહી છે.