वर्धा येथे मुख्यमंत्री देवेंद्र फडणवीस यांना 'मानद डी.लिट.' पदवी प्रदान; डॉ. प्रीती अदानी यांच्या हस्ते सन्मान

वर्धा येथे मुख्यमंत्री देवेंद्र फडणवीस यांना 'मानद डी.लिट.' पदवी प्रदान; डॉ. प्रीती अदानी यांच्या हस्ते सन्मान
जिल्हा रिपोर्टर काशिनाथ देसले ठाणे
तालुका रिपोर्टर किशोर पवार मुरबाड
दिनांक १९/१०/२०२६.
मुंबई विशेष वृत्त
सार्वजनिक जीवनातील लोकाभिमुख शासनव्यवस्था, संस्थात्मक आणि पायाभूत सुविधांचा विकास, आर्थिक उन्नती, समाजकल्याण आणि विशेषतः जलसंधारण या क्षेत्रांतील बहुमूल्य योगदानाबद्दल राज्याचे मुख्यमंत्री देवेंद्र फडणवीस यांना 'मानद डी.लिट.' (D.Litt.) ही उपाधी देऊन गौरविण्यात आले. वर्धा येथील 'अदानी इन्स्टिट्यूट ऑफ हायर एज्युकेशन अँड रिसर्च' (अभिमत विद्यापीठ) या संस्थेच्या १७ व्या दीक्षांत समारंभात हा मानाचा सन्मान प्रदान करण्यात आला.
विद्यापीठाच्या कुलपती डॉ. प्रीती अदानी यांच्या हस्ते मुख्यमंत्री फडणवीस यांना ही मानद पदवी प्रदान करण्यात आली. मुख्यमंत्री फडणवीस यांनी त्यांच्या कार्यकाळात राबवलेल्या विविध जनकल्याणकारी योजना आणि जलसंधारणाच्या क्षेत्रातील उल्लेखनीय कामांची दखल घेऊन विद्यापीठाने त्यांना या सर्वोच्च पदवीने सन्मानित करण्याचे निश्चित केले होते.
या दीक्षांत समारंभाला विद्यापीठातील वरिष्ठ अधिकारी, शिक्षण क्षेत्रातील मान्यवर, प्राध्यापक आणि मोठ्या संख्येने विद्यार्थी उपस्थित होते. या सन्मानाबद्दल मुख्यमंत्री देवेंद्र फडणवीस यांच्यावर सर्व स्तरांतून अभिनंदनाचा वर्षाव होत आहे.