दिवाळीत लक्ष्मीपूजनासाठी केरसुणीची मागणी वाढली; पुण्यातील भोर बाजारात भाव कडाडले

दिवाळी सण दोन दिवसांवर असल्याने पुण्यातील भोर बाजारात लक्ष्मीपूजनासाठी केरसुणीची मागणी वाढली आहे. दिवाळीच्या सणाला ग्रामीण भागात लक्ष्मी म्हणजेच केरसुणीला अनन्यसाधारण महत्व असते. घरोघरी लक्ष्मीपूजनासाठी केरसुणीचे पूजन केले जाते, त्यामुळे सण आल्याने बाजारात नागरिकांची गर्दी पाहायला मिळत आहे.

केरसुणी खरेदीसाठी नागरिक बाजारात मोठ्या संख्येने गर्दी करत आहेत. यंदा केरसुणीचे भाव कडाडले असून, मागील वर्षीच्या तुलनेत यंदा लक्ष्मीच्या जोडीमागे चाळीस ते पन्नास रुपयांची वाढ झाली आहे.

सध्या बाजारात केरसुणीच्या जोडीला १६० ते २०० रुपयांमध्ये मिळत आहे. दिवाळीच्या सणाला लक्ष्मीपूजनासाठी केरसुणीची गरज असल्याने नागरिक यंदाही मोठ्या प्रमाणात खरेदी करत आहेत.