બગસરા નજીક ST બસમાંથી રાજસ્થાની દારૂનો જથ્થો ઝડપાયો, ત્રણ શખ્સોની અટકાયત

બગસરા પોલીસે બગસરા-વડિયા-સુરત રૂટ પર દોડતી GSRTC બસમાંથી દારૂનો મોટો જથ્થો ઝડપી પાડ્યો છે. પોલીસને મળેલી ચોક્કસ બાતમીના આધારે આ કાર્યવાહી કરવામાં આવી હતી. બસ નં. GJ18 Z0187 માં રાજસ્થાની દારૂનો જથ્થો સુરત તરફ લઈ જવાતો હતો.

પોલીસે બાતમીના આધારે બગસરા નજીક બસને અટકાવી તલાશી લીધી હતી. બસની અંદરથી દારૂની બોટલો અને અન્ય સામાન મળી આવ્યો હતો. પોલીસે તાત્કાલિક કાર્યવાહી કરીને ત્રણ આરોપીઓને દારૂની હેરાફેરી કરતા ઝડપી પાડ્યા હતા.

પોલીસે જપ્ત કરાયેલ મુદ્દામાલને પોલીસ સ્ટેશન લાવી આગળની વધુ તપાસ હાથ ધરી છે. પોલીસની આ કાર્યવાહીથી દારૂના ધંધાર્થીઓમાં ફફડાટ ફેલાયો છે.