નલિયા ST બસ સ્ટેશનમાં મુસાફરો માટે બાંકડા મુકાયા, લાંબા સમયની માંગણી સંતોષાઈ

અબડાસા તાલુકાના નલિયા ST બસ સ્ટેશન ખાતે મુસાફરોને બેસવા માટે બાંકડાની સુવિધા ઉપલબ્ધ ન હોવાને કારણે લાંબા સમયથી હાલાકી ભોગવવી પડતી હતી. આ મુદ્દે સ્થાનિકો દ્વારા વારંવાર રજૂઆતો કરવામાં આવી હતી.

આ સમસ્યાના નિરાકરણ માટે અમારી ટીમ દ્વારા તાલુકા કક્ષાથી લઈને ST વિભાગના ઉચ્ચ અધિકારીઓ સુધી રજૂઆતો કરવામાં આવી હતી. આ રજૂઆતોને ધ્યાનમાં રાખીને ST વિભાગ દ્વારા તાત્કાલિક ધોરણે નલિયા ST બસ સ્ટેશન ખાતે બાંકડાની વ્યવસ્થા ગોઠવવામાં આવી છે.

મુસાફરોની સુવિધા માટે કરવામાં આવેલી આ કામગીરીમાં જાગૃત નાગરિકો નોતિયાર ફકીર મામદ નોતિયાર અને ઓસમાણભાઈ સહિત અનેક નાગરિકોની મહેનત રંગ લાવી છે. આ સુવિધા શરૂ થતાં મુસાફરોમાં ખુશીની લાગણી જોવા મળી રહી છે.