મોટાકાંડાગરાની લેબર કોલોનીમાંથી SOGએ 31 કિલોથી વધુ ગાંજા સાથે બે ઝડપ્યા

અમદાવાદ શહેર SOG (સ્પેશિયલ ઓપરેશન્સ ગ્રુપ) દ્વારા બાતમીના આધારે મોટાકાંડાગરા વિસ્તારની લેબર કોલોનીમાં દરોડો પાડીને મોટી માત્રામાં ગાંજાનો જથ્થો ઝડપી પાડ્યો છે. પોલીસને ઘટનાસ્થળેથી કુલ 31.080 કિલોગ્રામ ગાંજો મળી આવ્યો હતો, જેનું બજાર મૂલ્ય લાખો રૂપિયા આંકવામાં આવી રહ્યું છે.

SOG ટીમે આ ગાંજાના જથ્થા સાથે સંડોવાયેલા બે આરોપીઓને પણ રંગેહાથ ઝડપી પાડ્યા છે. પ્રાથમિક પૂછપરછમાં આરોપીઓએ આ ગાંજાના જથ્થા અંગે કેટલીક કબૂલાત કરી હોવાનું જાણવા મળ્યું છે. પોલીસ હાલ આ ગાંજા ક્યાંથી લાવવામાં આવ્યો હતો અને ક્યાં સપ્લાય કરવાનો હતો તે દિશામાં ઊંડાણપૂર્વક તપાસ ચલાવી રહી છે.

આ રેડ દરમિયાન પોલીસને ગાંજા ઉપરાંત અન્ય કેટલીક શંકાસ્પદ વસ્તુઓ પણ મળી આવી છે. SOG દ્વારા આ મામલે વધુ તપાસ હાથ ધરવામાં આવી રહી છે અને આ ગાંજાના નેટવર્ક સાથે જોડાયેલા અન્ય આરોપીઓને પકડવાના પ્રયાસો પણ તેજ કરવામાં આવ્યા છે. આ કાર્યવાહીથી શહેરના ડ્રગ્સ માફિયાઓમાં ફફડાટ ફેલાયો છે.