અમદાવાદ ગ્રામ્ય SOG દ્વારા રૂ. 1.50 કરોડના પોસડોડાનો જથ્થો ઝડપાયો

અમદાવાદ ગ્રામ્ય SOG (સ્પેશિયલ ઓપરેશન્સ ગ્રુપ) ને મોટી સફળતા મળી છે. પોલીસે ધોળકા રોડ પરથી એક ટ્રકને રોકીને તપાસ કરતાં તેમાંથી મોટી માત્રામાં પોસડોડાનો જથ્થો મળી આવ્યો હતો. આ જથ્થાનું વજન કરતાં તે અંદાજે 700 કિલો જેટલું થયું હતું, જેને 37 કોથળાઓમાં ભરવામાં આવ્યું હતું.

પ્રાથમિક માહિતી અનુસાર, ઝડપાયેલા પોસડોડાના જથ્થાની કિંમત અંદાજે રૂ. 1 કરોડ 4 લાખ 50 હજારથી વધુ હોવાનું જાણવા મળ્યું છે. આ જથ્થો મધ્યપ્રદેશથી કચ્છ તરફ લઈ જવામાં આવી રહ્યો હતો.

પોલીસે આ મામલે ટ્રક માલિક ભેરારામ રામારામ નામના આરોપીને ઝડપી પાડ્યો છે. SOG પોલીસે વધુ તપાસ હાથ ધરી છે અને આ રેકેટમાં અન્ય કોઈ સામેલ છે કે કેમ તે દિશામાં પણ તપાસ શરૂ કરી છે.