कृषि
રાજ્યપાલ અને મુખ્યમંત્રીની ઉપસ્થિતિમાં કૃષિ ક્ષેત્રે ટેકનોલોજીના ઉપયોગ માટે SAC-ISRO સાથે MoU
ગુજરાતમાં કૃષિ ક્ષેત્રના આધુનિકીકરણ અને ટેકનોલોજીના મહત્તમ ઉપયોગ તરફ એક મહત્વપૂર્ણ કદમ ભરવામાં આવ્યું છે. રાજ્યની ખેતી નિયામકની કચેરી અને SAC-ISRO વચ્ચે એક મહત્વપૂર્ણ કરાર કરવામાં આવ્યો છે.
ગાંધીનગર ખાતે સ્વર્ણિમ સંકુલ-૨ના દ્વારકા હોલમાં રાજ્યપાલ આચાર્ય દેવવ્રતજી અને મુખ્યમંત્રી ભૂપેન્દ્રભાઈ પટેલની ઉપસ્થિતિમાં એક કાર્યક્રમ યોજાયો હતો. આ કાર્યક્રમમાં કૃષિ ક્ષેત્રના આધુનિકીકરણ અને ટેકનોલોજીના મહત્તમ ઉપયોગ તરફ એક મહત્વપૂર્ણ પગલું ભરવામાં આવ્યું.
આ કાર્યક્રમ દરમિયાન, રાજ્યની ખેતી નિયામકની કચેરી અને અંતરિક્ષ સંશોધન ક્ષેત્રની પ્રતિષ્ઠિત સંસ્થા SAC-ISRO વચ્ચે એક મહત્વપૂર્ણ સમજૂતી કરાર (MoU) કરવામાં આવ્યો. આ કરાર અંતર્ગત સેટેલાઇટ અને જિયો-સ્પેશિયલ ટેકનોલોજીનો ઉપયોગ કરીને પાક વાવેતર વિસ્તારનો સચોટ અંદાજ મેળવી શકાશે. આ ઉપરાંત, કુદરતી આપત્તિના સમયે થયેલ પાક નુકસાનનું ઝડપી મૂલ્યાંકન કરવામાં પણ મદદ મળશે.
આ ટેકનોલોજીકલ સહયોગથી ખેડૂતોને હવામાન આધારિત સચોટ ખેતીલક્ષી સલાહ ઉપલબ્ધ કરાવવામાં વધુ અસરકારકતા આવશે. આ કરાર રાજ્યના કૃષિ ક્ષેત્રને વધુ મજબૂત અને ટેકનોલોજી-સંચાલિત બનાવવામાં મદદરૂપ થશે.
વધુમાં, રાજ્યના છેવાડાના ખેડૂત સુધી સરકારી યોજનાઓ અને કૃષિ વિસ્તરણ સેવાઓનો વ્યાપ વધુ સુદૃઢ બને તે હેતુથી વર્ગ-૨ના ૧૪ નવનિયુક્ત મદદનીશ ખેતી નિયામકોને આ પ્રસંગે નિમણૂકપત્રો એનાયત કરવામાં આવ્યા હતા.
આ કાર્યક્રમ દરમિયાન, રાજ્યની ખેતી નિયામકની કચેરી અને અંતરિક્ષ સંશોધન ક્ષેત્રની પ્રતિષ્ઠિત સંસ્થા SAC-ISRO વચ્ચે એક મહત્વપૂર્ણ સમજૂતી કરાર (MoU) કરવામાં આવ્યો. આ કરાર અંતર્ગત સેટેલાઇટ અને જિયો-સ્પેશિયલ ટેકનોલોજીનો ઉપયોગ કરીને પાક વાવેતર વિસ્તારનો સચોટ અંદાજ મેળવી શકાશે. આ ઉપરાંત, કુદરતી આપત્તિના સમયે થયેલ પાક નુકસાનનું ઝડપી મૂલ્યાંકન કરવામાં પણ મદદ મળશે.
આ ટેકનોલોજીકલ સહયોગથી ખેડૂતોને હવામાન આધારિત સચોટ ખેતીલક્ષી સલાહ ઉપલબ્ધ કરાવવામાં વધુ અસરકારકતા આવશે. આ કરાર રાજ્યના કૃષિ ક્ષેત્રને વધુ મજબૂત અને ટેકનોલોજી-સંચાલિત બનાવવામાં મદદરૂપ થશે.
વધુમાં, રાજ્યના છેવાડાના ખેડૂત સુધી સરકારી યોજનાઓ અને કૃષિ વિસ્તરણ સેવાઓનો વ્યાપ વધુ સુદૃઢ બને તે હેતુથી વર્ગ-૨ના ૧૪ નવનિયુક્ત મદદનીશ ખેતી નિયામકોને આ પ્રસંગે નિમણૂકપત્રો એનાયત કરવામાં આવ્યા હતા.