મહીસાગર: પોલીસ અને RTO દ્વારા બાઇક રેલી અને નિશુલ્ક હેલ્મેટ વિતરણ..

મહીસાગર જિલ્લા પોલીસ અને RTO MAHISAGAR દ્વારા સંયુક્ત ઉપક્રમે લુણાવાડાથી કડાણા ડેમ સુધી એક બાઇક રેલીનું આયોજન કરવામાં આવ્યું. આ રેલીનો મુખ્ય ઉદ્દેશ્ય લોકોને ટ્રાફિક નિયમો પ્રત્યે જાગૃત કરવાનો હતો. રેલી દરમિયાન, પોલીસ અધિક્ષક શફીન હસન દ્વારા વાહનચાલકોને નિશુલ્ક હેલ્મેટનું વિતરણ પણ કરવામાં આવ્યું..

આ રેલીમાં પ્લેકાર્ડના માધ્યમથી વિવિધ સંદેશાઓ આપવામાં આવ્યા હતા. જેમાં હેલ્મેટ અને સીટબેલ્ટ પહેરવા, નશો કરીને વાહન ન ચલાવવા, રોંગ સાઈડમાં વાહન ન ચલાવવા, ટ્રાફિકના નિયમોનું પાલન કરવા, ઓવરસ્પીડિંગ ટાળવા અને ડ્રાઇવિંગ દરમિયાન મોબાઇલનો ઉપયોગ ન કરવા જેવા મહત્વપૂર્ણ મુદ્દાઓ પર ભાર મૂકવામાં આવ્યો હતો.આ પ્રકારના આયોજનો દ્વારા પોલીસ અને RTO વિભાગ માર્ગ સલામતી પ્રત્યે નાગરિકોમાં જાગૃતિ લાવવાનો પ્રયાસ કરી રહ્યા છે, જેથી માર્ગ અકસ્માતોમાં ઘટાડો લાવી શકાય અને સૌ કોઈ સુરક્ષિત રીતે પોતાના ગંતવ્ય સ્થાને પહોંચી શકે.