મોડાસામાં કામવાળીએ જ કરી ₹22.50 લાખના દાગીનાની ચોરી, પોલીસે માલિકને પરત સોંપ્યા

મોડાસાની ઈકબાલ સોસાયટીમાં રહેતા એક પરિવારના ઘરે ચોરીની ઘટના સામે આવી હતી. પરિવારની તિજોરીમાં રાખેલા ₹22.50 લાખની કિંમતના સોનાના ઘરેણાં અચાનક ગુમ થઈ જતાં ચકચાર મચી ગઈ હતી.

ઘટના અંગે ટાઉન પોલીસ સ્ટેશનમાં જાણ કરવામાં આવતા પોલીસે તપાસ હાથ ધરી હતી. આ તપાસ દરમિયાન ચોંકાવનારો ખુલાસો થયો હતો કે ઘરમાં કામ કરતી કામવાળી મહિલાએ જ તિજોરીમાંથી સોનાના ઘરેણાંની ચોરી કરી હતી.

પોલીસે આરોપી મહિલા પાસેથી તમામ દાગીના કબજે કરી લીધા હતા. ત્યારબાદ અરવલ્લી પોલીસે 'તેરા તુજકો અર્પણ' અભિયાન અંતર્ગત તમામ પરત મેળવેલા ઘરેણાં તેમના અસલી માલિકને સોંપ્યા હતા.