ભરૂચ જિલ્લા જેલને ₹16 કરોડની આધુનિક સુવિધાઓ મળી, નવી બેરેક અને સુરક્ષા વ્યવસ્થાનું લોકાર્પણ

ભરૂચ જિલ્લા જેલને વધુ સુદ્રઢ અને આધુનિક બનાવવા માટે ₹16 કરોડના ખર્ચે વિવિધ સુવિધાઓનું નિર્માણ કરવામાં આવ્યું છે. જેલ પરિસરમાં નવનિર્મિત ફિમેલ બેરેક, હાર્ડકોર સેલ, એડમિન ઓફિસ, આંગણવાડી, કેન્ટીન, લાયબ્રેરી, ઇન્ડોર ગેમ્સ રૂમ અને જનસેવા કેન્દ્ર જેવી સુવિધાઓનું લોકાર્પણ કરવામાં આવ્યું છે.

જેલની સુરક્ષા વ્યવસ્થાને વધુ મજબૂત બનાવવા માટે પણ વિશેષ ધ્યાન આપવામાં આવ્યું છે. આ અંતર્ગત ફ્લેગ પોસ્ટ, ગાર્ડ રૂમ અને એસઆરપી (SRP) બેરેકનું નિર્માણ કરવામાં આવ્યું છે.

આ ઉપરાંત, જેલની સુરક્ષાને વધુ સઘન બનાવવા માટે 8 એકર જમીનની ફરતે નવી કમ્પાઉન્ડ વોલ પણ તૈયાર કરવામાં આવી છે. આ આધુનિક સુવિધાઓના ઉમેરાથી જેલ વહીવટીતંત્રની કાર્યક્ષમતા અને સુરક્ષામાં મોટો વધારો થશે.