અમદાવાદ: નિકોલની અનંતા હોસ્પિટલમાં નિવૃત્ત PSI સાંકાભાઈ પટેલના મોત અંગે પરિવારની નિષ્પક્ષ તપાસની માંગ

મળતી માહિતી મુજબ, નિવૃત્ત PSI સાંકાભાઈ પટેલને ગત તા.૩૦/૦૭/૨૦૨૬ ના રોજ સારવાર અર્થે નિકોલની અનંતા હોસ્પિટલમાં દાખલ કરવામાં આવ્યા હતા. સારવાર દરમિયાન તેમનું ઓપરેશન કરવામાં આવ્યું હતું, પરંતુ ૩૧/૦૭/૨૦૨૬ ના રોજ તેમનું નિધન થયું હતું. પરિવારનો આક્ષેપ છે કે સારવાર દરમિયાન દર્દીની સ્થિતિ અને તબીબી પ્રક્રિયા અંગે હોસ્પિટલ તંત્ર દ્વારા તેમને યોગ્ય કે સ્પષ્ટ માહિતી આપવામાં આવી નહોતી

​એક્સપાયરી ડેટ વાળી સામગ્રી વાપર્યાનો આક્ષેપ
પરિવારે સૌથી ગંભીર આક્ષેપ કરતા જણાવ્યું છે કે, સારવાર દરમિયાન ઉપયોગમાં લેવાયેલી એક મેડિકલ પ્રોડક્ટ/સામગ્રીના બોક્સ પર.૩૦/૦૬/૨૦૨૬ ની એક્સપાયરી ડેટ દર્શાવેલ હતી. આ સામગ્રી દર્દીની સારવાર સાથે સંબંધિત હોવાનો દાવો કરીને પરિવારે આ અંગેના બોક્સ/લેબલ અને જરૂરી દસ્તાવેજી પુરાવા પણ એકત્ર કર્યા છે.