અમદાવાદ: બોલિવૂડ સુપરસ્ટાર સની દેઓલ અને પુત્ર કરણ દેઓલની વસ્ત્રાલના વેદ આર્કેડ મોલમાં ભવ્ય મુલાકાત

બોલિવૂડના જાણીતા અભિનેતા સની દેઓલ તેમના પુત્ર કરણ દેઓલ સાથે અમદાવાદના વસ્ત્રાલ વિસ્તારમાં આવેલા વેદ આર્કેડ મોલની મુલાકાતે પહોંચ્યા હતા. પિતા-પુત્રની જોડીને એક ઝલક જોવા માટે મોટી સંખ્યામાં ચાહકો મોલ ખાતે એકઠા થયા હતા.

આગમનની જાણ થતાં જ ચાહકોમાં ભારે ઉત્સાહ જોવા મળ્યો હતો. લોકોએ અભિનેતાઓનું ઉમંગભેર સ્વાગત કર્યું હતું. મોલમાં અચાનક જ મોટી ભીડ એકઠી થઈ ગઈ હતી, જેના કારણે ભારે ઉત્સાહનો માહોલ સર્જાયો હતો.

સની દેઓલ અને કરણ દેઓલની આ મુલાકાત શહેરના ચાહકો માટે એક યાદગાર પ્રસંગ બની રહી હતી. સ્થાનિક લોકોમાં પણ બોલિવૂડ સેલિબ્રિટીઝના આગમનને લઈને ચર્ચાનો વિષય બન્યો હતો.