આણંદ જિલ્લામાં ભારે વરસાદને કારણે શૈક્ષણિક સંસ્થાઓમાં રજા જાહેર

ભારતીય હવામાન વિભાગ દ્વારા 23/07/2026 થી 25/07/2026 સુધી આણંદ જિલ્લામાં ભારે વરસાદની આગાહી (રેડ એલર્ટ) આપવામાં આવી છે.

આ ગંભીર પરિસ્થિતિને ધ્યાનમાં રાખીને જિલ્લા મેજિસ્ટ્રેટ શ્રી પ્રવીણ ચૌધરી (IAS) દ્વારા 25 જુલાઈ શનિવારના રોજ તમામ શૈક્ષણિક સંસ્થાઓમાં રજા જાહેર કરવામાં આવી છે.

આ આદેશ મુજબ, આણંદ જિલ્લાના તમામ તાલુકાઓમાં આવેલી આંગણવાડીઓ, સરકારી અને ખાનગી પ્રાથમિક શાળાઓ, માધ્યમિક અને ઉચ્ચતર માધ્યમિક શાળાઓ તેમજ આઈ.ટી.આઈ. અને કોલેજો 25 જુલાઈના રોજ બંધ રહેશે.

આ હુકમનું પાલન ન કરનાર વ્યક્તિઓ અથવા સંસ્થાઓ સામે ભારતીય ન્યાય સંહિતાની કલમ-223 મુજબ શિક્ષાત્મક કાર્યવાહી કરવામાં આવશે.