કામરેજ ના કરજણમાં ભારે પવન સાથે વરસાદથી ખેડૂતોના કેળા, શાકભાજી ,શેરડી સહિતના પાકને ભારે નુકસાન.

કામરેજ તાલુકામાં છેલ્લા ત્રણ દિવસથી સતત વરસી રહેલા ભારે વરસાદ અને તેજ પવનના કારણે ખેડૂતોને મોટું નુકસાન થયું હોવાનું સામે આવ્યું છે. કરજણ ગામ સહિત આસપાસના વિસ્તારોમાં ભારે પવનના કારણે ઉભા પાકમાં કેળા, શેરડી તેમજ શાકભાજીના માંડવા જમીનદોસ્ત થઈ ગયા હતા. અચાનક થયેલા નુકસાનથી ખેડૂતો ચિંતિત બન્યા છે. બીજી તરફ તંત્ર દ્વારા અસરગ્રસ્ત વિસ્તારોમાં પાક નુકસાનનો સર્વે શરૂ કરવામાં આવ્યો છે જેથી નુકસાનનું મૂલ્યાંકન કરી આગળની કાર્યવાહી હાથ ધરી શકાય.