અમદાવાદ: યુવા શૂટર હેતાંશી કંથારિયાએ રાજ્ય કક્ષાએ શાનદાર સિદ્ધિ મેળવી

અમદાવાદ: ADRAની પ્રતિભાશાળી શૂટર હેતાંશી કલ્પેશકુમાર કંથારિયાએ 62મી ગુજરાત સ્ટેટ શૂટિંગ ચેમ્પિયનશિપ–2026માં યોજાયેલી 10 મીટર એર રાઇફલ (વુમન યુથ) સ્પર્ધામાં શાનદાર પ્રદર્શન કર્યું હતું.

હેતાંશીએ 400માંથી 380 સ્કોર નોંધાવી સ્પર્ધામાં કુલ 3 ગોલ્ડ અને 3 સિલ્વર મેડલ જીતી રાજ્ય કક્ષાએ નોંધપાત્ર સિદ્ધિ મેળવી છે.

હેતાંશીની આ સફળતા બદલ તેમના પરિવારજનો, કોચ તથા ADRA પરિવાર દ્વારા અભિનંદન પાઠવવામાં આવ્યા છે. તેમની આ સિદ્ધિ અન્ય યુવા ખેલાડીઓ માટે પ્રેરણારૂપ બની છે.