વડોદરામાં અકસ્માત

વડોદરા જિલ્લાના જરોદ-સાવલી રોડ પર આજે એક હૃદયદ્રાવક અને ગમખ્વાર અકસ્માત સર્જાયો હતો. અષાઢી બીજના પવિત્ર દિવસે વાઘોડિયા તાલુકાના કામરોલ ગામના બે યુવાનો રાણીપુરા ગામે રામાપીરના મંદિરે દર્શન કરવા જઈ રહ્યા હતા. આ દરમિયાન દેવપુરા ગામના પાટિયા નજીક તેમની પૂરપાટ ઝડપે જતી KTM બાઈક આગળ ચાલતા મહેન્દ્રા પિકઅપ ટેન્કરની પાછળ ધડાકાભેર ઘૂસી ગઈ હતી. આ ગોઝારા અકસ્માતમાં બાઈક પાછળ બેઠેલા 19 વર્ષીય આકાશ રાઠોડિયાનું ઘટનાસ્થળે જ કમકમાટીભર્યું મોત નીપજ્યું હતું, જ્યારે બાઈક ચાલક યુવકને ગંભીર ઈજાઓ થતાં સારવાર અર્થે હોસ્પિટલ ખસેડાયો છે.