જૂનાગઢ: ટીનમસ ફાટકે સર્કલની માંગ પર હાઈવે ઓથોરિટી અને આર.ટી.ઓ.એ કર્યું સ્થળ નિરીક્ષણ

જૂનાગઢ જિલ્લાના વંથલી તાલુકાના ટીનમસ ફાટકે સર્કલ બનાવવાની કોંગ્રેસ આગેવાનો દ્વારા કરવામાં આવેલી માંગ અને આપવામાં આવેલા આવેદનપત્ર બાદ આજે નેશનલ હાઈવે ઓથોરિટી તથા આર.ટી.ઓ. વિભાગના અધિકારીઓએ સ્થળની મુલાકાત લઈને નિરીક્ષણ કર્યું હતું.


નિરીક્ષણ દરમિયાન માર્ગની હાલની સ્થિતિ, વાહનવ્યવહારનું દબાણ તેમજ અકસ્માતની સંભાવનાઓ સહિતના મુદ્દાઓનું મૂલ્યાંકન કરવામાં આવ્યું હતું.


સ્થાનિકોમાં આશા વ્યક્ત કરવામાં આવી રહી છે કે સ્થળ નિરીક્ષણના આધારે યોગ્ય નિર્ણય લેવામાં આવશે અને અકસ્માતપ્રવણ ટીનમસ ફાટકે સર્કલ બનાવવાની માંગ અંગે વહેલી તકે કાર્યવાહી હાથ ધરાશે.