અંબાલાલ પટેલનો મોટો નિર્ણય: હવે હવામાનની આગાહી નહીં કરે

જાણીતા હવામાન આગાહીકાર અંબાલાલ પટેલે હવે હવામાનની આગાહી નહીં કરવાનો મહત્વપૂર્ણ નિર્ણય લીધો છે. વિજ્ઞાન જાથાના જયંત પંડ્યાના નિવેદન બાદ ઊભા થયેલા વિવાદ અને લાગેલા આરોપોને પગલે તેમણે આ નિર્ણય જાહેર કર્યો છે. અંબાલાલ પટેલે મીડિયા સમક્ષ અપીલ કરતાં જણાવ્યું કે હવે હવામાન આગાહી માટે તેમનો સંપર્ક કરવામાં ન આવે. વર્ષોથી પોતાની આગાહીઓ માટે જાણીતા અંબાલાલ પટેલના આ નિર્ણયથી તેમના અનુયાયીઓ અને સામાન્ય લોકોમાં ચર્ચા જાગી છે. તેમના આ નિર્ણય બાદ રાજ્યમાં હવામાન આગાહીને લઈને નવી ચર્ચા શરૂ થઈ છે.