સગીર વયના બાળકે બુલેટ દોડાવી કાયદાના લીરેલીરા ઉડાવ્યા

અકોટા ડી-માર્ટથી ગાય સર્કલ રોડ પર સ્કૂલ યુનિફોર્મમાં હેવી બુલેટ મોટરસાયકલ દોડાવી ટ્રાફિકના નિયમોના ધજાગરા ઉડાડતા સગીર વયના વાહનચાલકનો વિડીયો શુક્રવારે સોશિયલ મીડિયા પર વાયરલ થયો હતો. જાહેર રસ્તા પર અન્ય નાગરિકોની સુરક્ષા જોખમાય તે રીતે સગીર દ્વારા કરાતી આ બેજવાબદાર ની માહિતી સોશિયલ મીડિયાના માધ્યમથી સામે આવતા જ વડોદરા ટ્રાફિક પોલીસ તાત્કાલિક એક્શન મોડમાં આવી ગઈ હતી. પોલીસે ગણતરીના સમયમાં જ વાહન માલિકને શોધી કાઢી મોટર વ્હીકલ એક્ટની વિવિધ કલમો હેઠળ આકરો આરટીઓ મેમો ફટકારી કાયદાનું ઉલ્લંઘન કરનારા તત્વોને કડક પાઠ ભણાવ્યો છે.