🔥 TRENDING Udaipur Celebrates Diwali with Shubhdi... चाटवाड़ा गाँव में चोरी की घटना: दो अपर... Ganb Supreme Court Rejects Tamil Nadu’s Req... Decomposed Woman's Body Discovered Ins... AIADMK Criticizes CM Vijay for Priorit...
22 Nov 2026•
ગુજરાતી मराठी ਪੰਜਾਬੀ বাংলা

રાજપીપલાનું નિષ્કામ કર્મ સેવા ટ્રસ્ટ પદયાત્રીઓની સેવામાં બન્યું સેવાભાવનું પ્રેરણારૂપ ઉદાહરણ

✍️ Reporter: Bhailalbhai Baria 🗓 22 Nov 2026, 05:51 PM 👁 35
Share: 💬 WhatsApp 📘 Facebook 𝕏 Post
સેવા એ માત્ર કોઈને મદદ કરવાનો પ્રયાસ નથી, પરંતુ જરૂરિયાતના સમયે કોઈને હૂંફ અને સહારો આપવાની સુંદર ભાવના છે. આ જ સેવાભાવ અને 'જન સેવા એ જ પ્રભુ સેવા'ના મંત્રને સાર્થક કરવા રાજપીપલાની નિષ્કામ કર્મ સેવા ચેરીટેબલ ટ્રસ્ટ દ્વારા ભાદરવા દેવ જતા પદયાત્રીઓ માટે સતત ત્રીજા વર્ષે અન્નક્ષેત્રનું આયોજન કરવામાં આવ્યું છે.

કારતકી પૂનમના પવિત્ર અવસરે મહારાષ્ટ્ર અને દક્ષિણ ગુજરાતમાંથી હજારો શ્રદ્ધાળુઓ પગપાળા ભાદરવા દેવ ખાતે ભાથીજી મહારાજનાં દર્શનાર્થે જાય છે. લાંબી પદયાત્રા દરમિયાન ભક્તોને ચા-નાસ્તો અને ભોજન મળી રહે તેવા ઉમદા હેતુથી ટ્રસ્ટ દ્વારા તા. 22 અને 23 નવેમ્બરના રોજ રાજપીપલાના સંત કબીર આશ્રમ, દશા માતાના મંદિરની બાજુમાં, હરસિદ્ધિ માતા બેંક રોડ ખાતે વિનામૂલ્યે ચા, નાસ્તા અને ભોજનની વ્યવસ્થા કરવામાં આવી છે.

આ સેવાકાર્યની વિશેષતા એ છે કે છેલ્લા બે વર્ષથી ટ્રસ્ટ દ્વારા આ સેવા કરવામાં આવે છે અને આ વર્ષે પણ એ જ ઉત્સાહથી ત્રીજા વર્ષે આયોજન કરવામાં આવ્યું છે. આ કાર્યમાં ટ્રસ્ટના સભ્યોની સાથે અનેક સેવાભાવી દાતાઓ પણ જોડાય છે. કોઈ અનાજ અને કરિયાણું આપે છે, કોઈ આર્થિક સહયોગ આપે છે તો કોઈ શ્રમદાન કરીને યોગદાન આપે છે. આમ, લોકસહયોગથી આ સેવાયજ્ઞ આગળ વધી રહ્યો છે.

કોઈ ભૂખ્યા યાત્રીને ભોજન કરાવવું, લાંબી મુસાફરીમાં થાકેલા ભક્તને ચા-નાસ્તો આપવો અને પ્રેમથી તેમનું સ્વાગત કરવું એ પણ ઈશ્વરની સાચી સેવા છે. પદયાત્રીઓના ચહેરા પરનું સ્મિત અને તેમના હૃદયમાંથી મળતા આશીર્વાદ જ આ સેવાકાર્ય સાથે જોડાયેલા સભ્યો માટે સૌથી મોટો સંતોષ છે. નિષ્કામ કર્મ સેવા ચેરીટેબલ ટ્રસ્ટની આ પહેલ સમાજમાં સહકાર, એકતા અને માનવતાનો સુંદર સંદેશ આપે છે.

ટ્રસ્ટના તમામ સભ્યોની આ સેવાભાવનાને બિરદાવવા જેવી છે. કોઈપણ કાર્ય લોકસહયોગ અને નિઃસ્વાર્થ ભાવનાથી કરવામાં આવે ત્યારે તે અનેક લોકો માટે ઉપયોગી બને છે. ટ્રસ્ટ દ્વારા સમાજના દાતાશ્રીઓ, વેપારીઓ, યુવાનો અને સેવાભાવી નાગરિકોને આ અન્નક્ષેત્રમાં યથાશક્તિ સહયોગ આપવા અપીલ કરવામાં આવી છે. સમાજના દરેક વ્યક્તિનો નાનો-મોટો સહયોગ પણ આ સેવાકાર્યને વધુ મજબૂત બનાવે છે.

ઈશ્વર ટ્રસ્ટના તમામ સભ્યોને આવી સેવાપ્રવૃત્તિઓ સતત કરતા રહેવાની શક્તિ આપે અને તેમના જીવનમાં સુખ, શાંતિ તથા સમૃદ્ધિ જળવાઈ રહે તેવી શુભકામનાઓ. ભક્તોના આશીર્વાદ સાથે નિષ્કામ કર્મ સેવા ચેરીટેબલ ટ્રસ્ટની આ સેવાયાત્રા અવિરત આગળ વધતી રહે એ જ અભ્યર્થના. ખરેખર, માનવસેવા એ જ માધવસેવા છે અને નિઃસ્વાર્થ ભાવથી કરેલું સેવાકાર્ય જ જીવનની સાચી સાર્થકતા છે.
📲Get App